《思．裂》離不開留不低

近日經過戲院，見到新片《思．裂》的大幅宣傳品，那個「大頭半邊面」的占士麥艾禾非常搶眼，跟星爺《西遊伏妖篇》的手掌擺設並列，像是面相與掌相學研究，相映成趣。

講起《思．裂》，很多人都說感興趣，提到多重人格分裂，不少人更想起著作《24個比利》。有時前言不對後語、講過唔算數，可能你我他都會試過，但真真正正的精神分裂個案，可以好危險，當題材由《鬼眼》導演禮切沙也馬蘭處理，又點只咁簡單。導演擅長扭橋製驚喜結局，可惜近年走下坡，令人驚訝的是水準參差，但他今次狀態回勇，《思．裂》賣點清晰，營造氣氛出色，甫開場已帶觀眾入戲肉，可能係近年最佳心理驚慄電影。

男主角Kevin是一名精神病患者，被診證有23種人格，角色難度高，占士麥艾禾一向好戲，演繹當中的多個性格，令觀眾留下深刻印象，最有趣是扮僅得十歲智商的Hedwig。主綫講Kevin受驅使下將三名女生禁錮在密室，肉參掙扎離開，主宰Kevin的不同人格亦同時要留低角力，每個性格都有不同名字，思想行為極不一樣，至於何時出現何者？其實連他本人都未必知道。