爭住幫B女掃風 張繼聰輸畀陪月

張繼聰和謝安琪（Kay）的女兒張靖（Karina）明天（22日）滿月，再為人父的張繼聰對B女疼錫有加，除了幫忙湊B女，還與陪月姨姨爭住為女兒掃風，不過每次他都爭輸，相當搞笑。近日有傳他和Kay打算為女兒作歌，不過阿聰澄清暫沒有計劃，但指這想法確實幾溫馨。

張繼聰昨日現身金鐘為炸雞店的「快趣點餐機」進行啟動儀式，他的出現令人聯想到是否取代鄭嘉穎的代言人地位？阿聰就醒目地提醒大家，叫外賣時仍可以繼續搵嘉穎！他受訪時解釋，只是擔任活動嘉賓，並非搶鄭嘉穎「飯碗」。阿聰表示兒子很喜歡食炸雞，不過仍坐月的Kay就只能吃一些有營養的食物，加上還未滿月，這段時間都不能進補。

B女Karina明天滿月，問到一家人會怎樣慶祝？阿聰表示正忙於拍攝劇集《誇世代》，周末或有機會休息半日，希望趕及回家跟家人慶祝。每日出門返工時是否不捨得B女？他說︰「都係㗎！不過搵錢無辦法。老婆都成日send相畀我睇嘅。」問到現在湊B是否好叻？他笑言B女還是餵哺母乳，所以餵奶方面交由老婆負責，他就會為B女換片和掃風。阿聰又自爆每日最熱鬧的場面是大家爭住幫B女掃風︰「我掃風OK㗎，當然陪月最熟手啦，我阿爸、阿媽同住，所以大家就會爭，咁通常都係陪月最快手。」

Kay今年內不復出

近日有報道指，他和Kay打算為女兒寫歌，阿聰澄清沒這回事︰「其實呢個想法好溫馨，不過暫時未諗過，就算一家人合唱都唔會公開唱啦。」阿聰又謂，自己最叻是為動畫配音，所以有時與B女溝通，都會扮聲吸引她的注意力。至於Kay何時復出，他相信不會是今年的事了。

採訪、攝影︰Pauline

編輯︰黃寶恩

設計︰K