當眾排戲掌摑王喜 志雲承諾返後台補償

由陳志雲、葉童及王喜等演出，改編自著名作家曹禺作品的舞台劇《雷雨对日出》，將於6月22日至27日假新光大戲場上演，在劇中陳志雲要掌摑王喜……

新光劇組2017頭炮舞台劇《雷雨对日出》昨日在中環舉行記招，眾演員以劇中造型亮相。劇中陳志雲要掌摑王喜，不過志雲大師表示綵排時只會就位，正式演出才狠狠地出手打對方。笑問會否擔心用力過猛打暈王喜？陳志雲笑言︰「一巴打得暈，你估我係曹星如咩？」而王喜則戲言︰「睇佢敢唔敢打啦。」對於志雲承諾返後台會讓他打一巴作補償？王喜說︰「係又唔錯呀！到時會FB直播畀大家睇。如果畀我揀梗係最好台上打啦，有錢收嘛。」

官司完結一身輕

提到陳志雲早前獲終審法院宣判無罪，他表示︰「總算畫上句號，就算贏同輸都係句號，帶着平安嘅心去聽判決，始終都糾纏咗七年，晴朗的一天可以出發。我都可以申請攞番堂費同律師費，至於攞到幾多就視乎法庭判決，當然唔一定畀足。」而好友叢培崑在判決後也有發短訊給陳志雲，那他會否邀請對方欣賞舞台劇？志雲笑謂︰「佢自己買飛嚟睇啦！」王喜也表示總算是對整個團體得到解脫，問到可有食飯慶祝？他說︰「無乜特別慶祝，其實之前兩次宣判無罪已經興奮咗，呢個消息早已經消化。」

採訪︰Pauline

攝影︰林良明

編輯︰林梓添

設計︰李明