$269買英皇室御用鳥籠遮

最近陰雨綿綿，不過LOG-ON引入多款日韓及歐美的雨具品牌，令人眼前一亮，例如有來自倫敦的Fulton，連英國皇室都選用，尤其係英女皇與凱特王妃，都係其著名Birdcage圓拱形透明雨傘的忠實粉絲！Fulton今季仲推出碎花同倫敦地標的圖案，落雨天拎住出街，都感受到英國雨天的情懷。

除咗英倫風情，另有型格的日韓系列。韓國設計的Opus one係全球首個智能雨傘品牌，可通過藍牙同手機連接，提供天氣預報，亦會亮起燈號提醒你將會下雨；同時支援防止雨傘及電話遺失的定位搜索，如果唔小心留低咗把遮，手機會接到通知；遺留咗手機亦可搖動把遮搜索手機位置，最適合「大頭蝦」！