豹嫂爆胡定欣唔難追

黎芷珊的個人眼鏡品牌LUISA LEITAO昨日舉行新產品發布會，舊愛張達倫、好友胡杏兒、李施樺、胡蓓蔚（豹嫂）等現身撑場，不過論受歡迎程度，拳王曹星如冠絕全場，不少藝人都爭相要求合照，場面搞笑又熱鬧。

豹嫂穿上魚網透視裝現身，露出bra top相當性感，她說︰「本來入面着件黑色衫打底，又覺得影相唔靚，所以揀咗件bra top，其實身材勁反而着唔到呢啲衫。」她又笑謂「胡說八道會」的姊妹（胡定欣、胡杏兒、黃智雯、姚子羚、李施樺）雖沒有「波濤洶湧」的身材，不過就盛讚胡定欣身形最fit，又爆定欣買了多套比堅尼準備迎接夏日，豹嫂謂︰「佢成日話想去陽光與海灘嘅地方度假，不過佢一直好忙。」

笑言開婚姻介紹所

豹嫂和杏兒已嫁人，問她們可有好男仔介紹給定欣和施樺？兩人都表示日日都有關心和聯絡，又笑言要開婚姻介紹所，為姊妹介紹男仔。豹嫂直言娛圈的女仔不難追。「其實呢行女仔唔難追，首先要有膽識，因為一追就會全家被起底。」

另外，張達倫宣布太太懷孕三個多月，「好開心，無諗到咁快，BB預產期係10月15日，我生日係10月16日。」舊愛芷珊不斷追問他可有為BB改名？達倫笑稱︰「未知仔定女，我想要囝囝，因為哥哥生咗個囡囡，如果我生個囝囝，就真係金笸籮。」

採訪︰Pauline

編輯：林梓添

設計：Ｋ