帶禁書入北韓 洪永城諗起一額汗

22歲美國大學生瓦姆比爾到北韓旅遊期間，被指偷走酒店內的宣傳品，判15年勞改，上周基於人道立場獲釋返美，但已昏迷變成植物人，返國後延至日前逝世。洪永城（Tony）曾到訪北韓，他憶述入境時亦曾犯過低級錯誤。

洪永城在2015年到訪北韓拍攝旅遊節目《在那遙遠的地方》，介紹北韓人民生活及風土人情，當Tony得悉美國大學生事件，也不禁想起當年赴北韓做過的一件蠢事。

過關時被拉入房

Tony昨日在社交網站留言，憶起兩年前由中國丹東進入北韓平壤海關時，帶了一本在香港買的北韓書籍。「最弊就係封面套咁啱將金生嘅肖像摺咗一半，被搵到嗰一刻，我成身喺度震，當地官員睇到即刻拉我入房，問我本書講咩喎？我梗係話唔知啦，睇都未睇過。唔知邊度嚟一位識普通話嘅女士，揭開本書喺度讀，好彩本書唔係我寫，之後佢淨係要我簽一份悔過書，要我承認本書唔係我寫、唔贊成書入邊寫嘅嘢、無意威脅金正恩嘅政權等。之後就畀我走，最後講咗句no worry, enjoy your journey。」

最後，Tony更提醒準備到北韓的遊客，謹記不要帶有關北韓的任何資料及刪除電話內所有金正恩的圖片。

撰文︰Pauline

編輯：陳禮恒

設計：梁政敏