古仔否認簽咗唐詩詠

唐詩詠與古天樂昨晚到金鐘出席活動，詩詠更穿低胸裝，谷盡三吋事業綫。早前有傳古仔想簽詩詠為旗下藝人，問她可會向古仔自薦？她笑說︰「等我整好份CV（履歷）先！其實我哋真係無傾過合約嘅事。」她自言不擔心跟古仔傳緋聞︰「大家唔好咁心急幫我搵另一半啦。」至於曾傳緋聞的洗米華愛將盧啟邦，詩詠表示沒聯絡，「呢排工作太忙，好難再拍拖。（再揀圈中人？）好難講，不過同圈中人拍拖都好大壓力。」

而古仔聽到詩詠要交CV給他，也笑說︰「你叫佢快啲Send畀我，我睇咗再決定。其實我只係演員，無話簽佢，唔知點解成日咁傳。」提到他曾推薦詩詠拍電影《逃出生天》，他說︰「上次角色適合，老闆又OK，唔係話我推薦老闆就一定用。」