親如家人｜菲傭工作30年見證少主結婚誕孖女 明年退休 僱主：遇到佢係福氣

不少港人家庭都會聘請外傭打理家頭細務，朝夕相處下彼此培養出深厚感情。一名港媽近日在網上分享，指其丈夫是由家中服務長達30年的菲傭親手湊大，並見證他結婚、生女，如今仍用心照顧老爺奶奶。然而，已年屆約60歲外傭姐姐將於明年約滿，並決定退休回鄉陪伴家人。他們一家雖然相當不捨，但見菲傭姐姐離鄉別井為他們付出大半生，港媽和丈夫亦十分感恩：「能夠遇到佢，係我哋一家畢生嘅福氣。」

港媽Jiffy周二（11日）於facebook群組「表揚好姐姐開心分享區」發帖，上載一張外傭牽著一對孖女的相片，她在帖文中表示，外傭已經在家中工作30年，決定於2年後退休，並於明年約滿離職。她指，當初結婚後被工人姐姐催促盡快生小朋友，經過一番努力後終與丈夫喜獲一對孖女，並指工人姐姐相當疼愛2名女兒；想起對方退休在即，現在已感到不捨，

「工人姐姐好錫佢哋，佢合約到22年10月，而家已經開始唔捨得。」

來港工作30年   由照顧少主變成照顧兩老

Jiffy接受《晴報》訪問時表示，菲傭姐姐Baby於30年前獲老爺奶奶聘用，第一次來港工作，主要負責照顧當年仍然年幼的丈夫Shinji和姑奶，以及煮飯打理家頭細務。她指Baby來港時約30歲，在家鄉已婚並育有一子一女，往後30年都未曾轉職，「佢中間冇跳槽」；30年過去小姊弟也早已長大成人，不過Baby至今仍在Jiffy夫家工作，由照顧少主變成照顧兩老，同時照料其起居飲食和家務。

（↓點擊圖片放大↓） 

外傭姐姐廚藝了得 工作認真

Jiffy表示，雖然自己只是與Baby姐姐相處了短短5年，但亦深深佩服對方的工作能力及態度。她大讚Baby廚藝了得，無論中、西、日、韓菜式都能駕馭，而且樂於學習新菜式，「我哋寧願留喺屋企食都唔會出街食，因為覺得佢煮得好過出面」。此外Baby工作態度認真，多年來將家中打掃得一塵不染，而且從不偷懶或「打斧頭」；即使遇上節日假期，也寧願留在家中與僱主一起慶祝。

她續指，Shinji和姑奶從小由Baby照顧，因此他們兒時有心事都會向工人姐姐傾訴，對方亦會落力逗他們高興，時至今日她依然是的家中的開心果，「佢有時都會同大家分享佢聽番嚟嘅gag（笑話），同佢生活嘅氣氛好輕鬆。」

Jiffy和Shinji無另外聘請外傭打理家務，一來覺得能夠自行應付，二來覺得Baby的能力和地位無人能及：

「因為有比較，所以覺得唔會搵到一個工人姐姐比而家嘅好，所以就冇請。」

 （↓點擊圖片放大↓） 

催促少主生B 視少主的女兒如孫女

Jiffy和Shinji於2018年結婚，他們婚後曾被Baby催促「生B」，稱想在退休之前看到小生命誕生，更主動表示可以幫忙照顧；Jiffy和Shinji也不負所望，於去年2月誕下一對孖女，滿足工人姐姐的心願。她表示，女兒出生之際正值新冠肺炎疫情爆發初期，而Baby當時正身在菲律賓休假，因當地「封關」加上航班停飛而未能立即回港與孖女見面，最後要在當地逗留多6月個月方可回港。未知是否因為Baby與他們一家有深厚聯繫，Jiffy指孖女與外傭姐姐的關係竟意外地親密：

「令我最意外嘅係，即使呢個時段嘅BB係好認人，唔係咁易畀人抱畀人掂，但工人姐姐竟然3幾日已經令到BB好黐佢！唔會抗拒。」

她同時透露，老爺奶奶和Baby並非與自己同住，但雙方都住在同一棟大廈，因此Baby亦會分擔照顧孖女的壓力，例如每日早上她會帶孖女到奶奶家中照顧，好讓Jiffy打理家務瑣事，同時也會幫忙烹調孖女的食物。Jiffy感恩地表示，外傭姐姐相當疼愛一對孖女，即使放假外出也不忘為她們添購衣服，形容她視孖女如孫女：

「望住佢照顧我兩個小朋友嘅時候，係覺得佢真係好用心當係自己個孫咁，我都無佢咁好耐性。」

 （↓點擊圖片放大↓） 

難捨僱主拒提早退休

雙方離別在即，除了他們一家對Baby依依不捨之外，Baby亦難捨服務了30年的僱主。Jiffy直言Baby「最唔捨得就係我奶奶」，由於她奶奶為人比較「大頭蝦」而且十分依賴，因此工人姐姐亦難以放心退休。而Shinji見Baby年事已高，身體出現勞損問題，亦曾勸她退休享清福；但她30年來一手湊大少主，見證他成家立室，始終對這一家難捨難離，

「Baby就覺得佢由我先生5歲嗰時睇到而家37歲，我對孖女對佢嚟講係『不能錯過嘅橋段』，佢希望可以幫我哋手湊多一段時間，呢段時間會係佢喺香港工作嘅『final chapter』（最終章），想有個最美麗嘅『終點』。」

  （↓點擊圖片放大↓） 

與菲傭親如家人  對其家人感歉意

Jiffy又指，一家人早已看待Baby如家人，老爺奶奶除了會出資幫她購買返回菲律賓機票，更會主動給予零用錢；他們多年來都堅持與Baby同枱食飯，絕不會讓她獨自在廚房用餐，「總之當佢一家人咁樣」。Jiffy和Shinji認為，僱傭關係貴在「將心比心，互相尊重」，認為僱主可多主動與對方溝通，多了解其煩惱和趣事，關係猶如朋友一樣，自然可培養深厚感情，

「畢竟人哋放低自己最親嘅人，一個人離鄉別井去到你屋企，你唔行出一步畀番啲歸屬感工人姐姐，人哋會覺得孤獨，會好難相處落去。」

Jiffy和Shinji表示，因Baby對夫家充滿責任感和不捨，大半生離鄉別井到香港工作，而其丈夫、子女孫兒一直在家鄉等待她的歸期，令他們自覺虧欠了Baby的家人，因此縱使再不捨也要接受離別，

「聘請佢嘅時候花容月貌、年輕力壯，即將退休嘅佢開始皺紋滿面、周身骨痛。我哋想向佢一家人表示抱歉同非筆墨所能形容嘅感激。能夠遇到Baby姐姐，係我哋一家畢生嘅福氣。」

印傭照顧一家5口湊大少主終返鄉，港爸感恩：佢黃金18年畀咗我個仔，詳情即睇：【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

撰文：黎穎芯