港隊乒乓女團戰│李靜指導杜凱琹疑似爆粗直播出街 鄭衍峰與阿占靚兜打圓場化尷尬

今屆東京奧運會播放權由政府出資購入，各大電視台都能夠盡情播放賽事。而當中以無綫的播放頻道較多，翡翠台有資深的鍾志光坐鎮，J2則選用資歷較淺的主持如陸浩明、鄭衍峰、朱智賢等。早前李靄璣在睇乒乓球賽時狂撐港隊的對手法國隊，被網民狂轟，主持的質素備受質疑。不過昨日（1日）直播時，就發生乒乓球教練李靜疑似爆粗事件，而主持人火速打圓場，處理得相當之好。

港隊混雙乒乓球遭淘汰│李靄璣J2主持直播頻頻劖亂歌柄 緊張關頭話欣賞法國隊被寸【下一頁】

{{hket:inline-image name="tang9_600.jpg"}}{{/hket:inline-image}}

{{hket:inline-image name="tagn11_600.jpg"}}{{/hket:inline-image}}

昨日乒乓球女團賽，港隊派出杜凱琹（阿杜）、李皓晴及蘇慧音出戰對巴西。團戰第四場由阿杜上場單打，當時阿杜快要贏出比賽的尾局，原本領先幾分的她卻被後來居上，令場邊的教練李靜都大為焦急，即時叫暫停。當時主持人為了聽清楚李靜的指示，全場保持安靜；沒想到此時李靜說：「推過啲，你全部打同一個點……中旋又係下旋又係，企過少少啦！X，你企中間，企中間佢發你長你咪……」

在直播期間突然有疑似粗口的出現，當時鄭衍峰反應極快，即時說：「熱情呀！」而同場的資深旁述阿占鄺家銘亦馬上表示：「呢個時候要打打氣嘅！」火速打圓場，化解當場「最怕空氣突然安靜」的尷尬氣氛。

甩馮盈盈男友稱號│鄭衍峰做娛樂主播4年望有代表作 升呢拍Do姐做節目靠爛Gag減壓【下一頁】

鄭衍峰（Leonard）接受《晴報》電話訪問，表示：「其實睇乒乓球都好幾場，根據專家評述同我哋講，李靜一向係熱情嘅教練，經常會喺場邊大嗌，預計到佢好熱血咁嗌。每次都想聽吓教練點樣指導佢哋，奈何佢戴住口罩，好多時都聽唔清楚佢講乜；點知教練講嗰句說話時，好清楚。我同另一位主持阿占當時互相對望咗，交咗兩吓波，多謝佢反應夠快……我又冇嚇親，運動員熱情肉緊係正常。」他又表示其實李靜當時未必是在講粗口，可能只是肉緊講「如果」。

Leonard又指連日來要應付J2的直播節目，只得幾位主持輪更，難免有睡眠不足的問題；不過見到公司同事和街坊為他們打氣，令他大感窩心。「做體育節目主持原來真係唔容易，因為我哋唔係專業；幸好有專家評述，我對運動都有少少皮毛知識，希望問出大家想知而又唔係明知故問嘅好問題。」他表示今次機會難得，令他在直播節目和主持方面都學習到不少。

{{hket:inline-image name="222134492_885791665350997_5742185145377420706_n.jpg"}}{{/hket:inline-image}}

{{hket:inline-image name="220992296_356833992506754_3140690674568326608_n.jpg"}}{{/hket:inline-image}}

{{hket:inline-image name="219202672_1298895157179375_1460152633931772518_n.jpg"}}{{/hket:inline-image}}

同場加映：【晴報獨家】Edan@Mirror出新歌有壓力 被批咬字不清點回應？

{{hket:ul-video id="3771"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉