筲箕灣天橋底 有個環保綠洲

香港市區被石屎包圍，想搵個社區聚腳點都好難，黛安有日行過東區竟然發現「新大綠」，就係筲箕灣嘅「綠在東區」，仲得到城市土地學會「2016年全球卓越獎」。唔好睇「綠在東區」依家事事正正，綠色嘅植物配埋竹籬，佢前身係天橋底嘅臨時停車場，上年5月環保署成立咗呢個佔地26,000平方呎嘅社區環保站，佢身兼多職，既係教育中心同回收站，回收電器、電池、慳電膽、玻璃樽等，亦係辦公室及集配套設施於一身嘅園林。大家有時間都帶啲可回收物料去「綠在東區」啦！