去青衣城 玩反地心吸力自拍

仲有半個月就到聖誕，港鐵旗下商場包括德福廣場、青衣城最近已開始咗一連串免費迎聖誕活動，大玩魔術元素，搵咗「街頭魔法王」李澤邦去德福廣場教小朋友變魔術。

而Selfie一族就可以去青衣城，因為商場不但為大家帶來有魔幻視覺效果的「魔法聖誕屋」，同埋以巨鏡、巨畫合組而成的「反地心吸力浪漫自拍區」，12月17號仲請咗亞洲最大攝影教學平台、facebook粉絲過百萬嘅「Fotobeginner」創辦人譚子維（Alex）開「聖誕燈飾攝影班」，教大家取景攞角度、色溫處理，仲會講點樣利用搖機、雙重曝光加添趣味，亦會介紹啲有用嘅手機Apps，等大家用手機或者傻瓜機都影到呃Like靚相。