偉仔Eason互笠高帽

王家衛監製新片《擺渡人》將於本月底上映，主角梁朝偉和陳奕迅（Eason）最近接受有線娛樂新聞《電影蒙太奇》訪問，分享拍攝趣事。

對「擺渡人」一詞，偉仔解讀為「心理輔導員」，專門助人解決情緒問題，他說：「最妙係王家衛叫我演得吊兒郎當啲，畀人唔知係咪真嘅感覺，係非一般正經輔導員。」偉仔近年演出的角色性格都比較沉重，他表示：「今次演喜劇心情好輕鬆，人生呢個階段可以選擇以輕鬆角度睇事物，所以係拍喜劇嘅適當時候。」偉仔還開金口唱主題曲，他笑謂：「初時我話唔係啩！但王家衛叫我參與下。」

偉仔和Eason首次合作，兩人識英雄重英雄，偉仔坦言：「除咗好鍾意聽Eason唱歌，亦有睇佢啲戲，覺得佢做戲好真誠，估唔到今次可以合作。」被影帝大讚，Eason感到興奮：「同偶像合作好開心，我可以吸收好多有用嘅方向。」