【聲明】港生活網站並無進行電話推廣活動

地板震動知節奏 聽障Dancers合拍起舞

發佈時間: 2016/12/12

黛安星期六去咗護膚品牌NU SKIN(如新集團)25周年銀禧派對,睇得出大會喺表演項目上落咗唔少心機。其中最令黛安眼前一亮嘅係請咗聾人舞蹈團體同鮮魚行學校學生起舞,希望勉勵大家齊齊面對困難,全晚都充滿正能量!唔講唔知,原來如新有為鮮魚行學生設立一個「摘星計劃」,嘉許讀書叻或有禮貌嘅小朋友。當晚5位鮮魚行學生更與19位森林樂聾人舞蹈團團員跳舞演出。公關姊妹話聽障人士聽唔到音樂,只能靠感覺地下嘅震動感受節奏,因此大會音響上特意增加重低音,希望大家感受到其堅毅精神。此外,當晚更有歌手鄭欣宜獻唱《女神》一曲,勉勵大家唔好活喺別人嘅眼光下,要努力迸發光芒!

撰文: 黛安 消息特靈八卦公關
欄名: 八卦名利場