【聲明】港生活網站並無進行電話推廣活動

回顧退役747客機 空姐難忘接待國王

發佈時間: 2016/09/27

搭飛機依家唔係乜稀罕事,但30幾年前就唔同講法,全靠波音發明咗載客量超高的747客機,去旅行先變得easy又便宜。但再好的飛機都有退役一日,國泰就宣布咗機隊裏面的747客機下月1號由東京返港後,就會退役,結束37年漫長旅程;國泰仲預留咗機位畀同事申請,齊齊同747送別「say goodbye」。

未夠廿歲就加入國泰的航空機艙服務標準及安全經理LELE就話好唔捨得,「當年一過試用期就飛747,好威㗎。」佢仲話747夠大有埋床畀空姐休息,返工奉旨瞓覺,感覺好新鮮;而且逢聖誕地勤仲布置埋機艙,好鬼開心。

佢仲話,喺747服侍過唔少名人,除咗台灣歌星張惠妹,仲有馬來西亞國王,「國王份人好nice,要求同一般頭等客無乜分別。」但佢話因好多同事都想飛呢個退役之旅,所以佢今次就唔會陪747飛最後一程了。

撰文: 黛安 消息特靈八卦公關
欄名: 八卦名利場