放聲氣求歌手讓路 劉華申請紅館跨年騷迎2018

里約2016殘奧運動會經已圓滿落幕，香港隊再次取得佳績，劉德華昨天以香港殘疾人奧委會暨傷殘人士體育協會副會長身份出席祝捷會。明天是華仔55歲生日，他說生日願望是明年出廣東碟兼舉行跨年演唱會。

劉德華昨日西裝筆挺出席殘奧祝捷會，剛從北京拍完電影返港的他，出席活動後又迅速離開，相當匆忙。明天27號是他的55歲生日，問華仔計劃怎樣度過？心情相當靚的他笑言，會與家人在家開party慶祝，不過今年太忙，故沒有特別準備，他只是按以往慣例讓自己休息兩天。問華仔渴望收到女兒送甚麼禮物？他笑謂：「無乜特別嘢想要，個女邊有嘢送吖，咪又係我買！（親手畫張卡畀你？）哈哈，咪又係我揸住佢隻手畫畀自己。」

華仔其中一個生日願望是推出全新廣東碟，預計明年六月推出，適逢與唱片公司約滿，他希望出到一張完整的廣東碟。談到今年四大天王的黎明、郭富城和張學友相繼開演唱會，唯獨欠他，華仔透露：「我會喺年底入紙申請明年年尾個期，希望舉行跨年演唱會，除非政府唔批。（計劃開幾多場？）20場啦，我未試過開少過20場，至於加場就視乎情況，萬一加場又做唔到就會有壓力，所以做老闆要包我20場㗎，否則唔好搞。」華仔又事先張揚，希望大家高抬貴手，不要跟他爭檔期。

避談黃曉明做爸爸

此外，華仔被問到在北京拍攝電影《偷天特務》期間，可有恭喜拍檔黃曉明快將為人父？他聞言後只是神秘地笑。再問曉明可有向他請教湊仔心得？華仔表示：「我唔知，人哋問我都唔講啦。（你太太呢？）仲傳？我哋好隨緣嘅。」說罷，工作人員即拉走華仔。

採訪：Pauline

攝影：Lego

編輯：黃寶恩

設計：梁政敏