黛安
黛安

曹眾開甜品店 張繼聰彈結他支持

發佈時間: 2016/09/23

曹眾開甜品店 張繼聰彈結他支持

都話女人食甜品,係用另一個胃,今次姊妹們有口福啦!因為做到街知巷聞的「聰嫂私房甜品」,依家重新包裝,喺尖沙咀步行街開咗間「聰少甜品」,新舖走年輕路綫,靚女藝人曹眾(JoJo)係老闆之一。

名字有「聰」 全單8折

上星期新舖開幕,JoJo請咗張繼聰及周聰等「聰」字藝人出席,氣氛好熱鬧。張繼聰話好同意「聰少」嘅年輕概念,話新一代應該好似「聰少」咁,勇於追尋自己夢想咁話。

講番間舖,大門口位置放咗「聰少」做代言人,滿頭顏色筆的「聰世代」icon,代表住愛創新的香港年輕人,為咗迎合香港人匆忙生活,「聰少」更首設外賣即食counter,啱晒步伐急促、但又想食聰少招牌菜「鮮果冰」嘅年輕人。

是日張繼聰仲代表老闆宣布,所有同佢一樣,個名有「聰」字、或者同音字叫阿「聰」嘅顧客,喺今年11月30日前來幫趁都可享全單8折優惠!仲唔快啲帶埋「聰」字朋友嚟試下!

撰文: 黛安 消息特靈八卦公關
欄名: 八卦名利場