7仔響應國際咖啡日 咖啡第2杯半價

昨日經過7-Eleven就買咗個撈麵加燒賣套餐醫肚，再加8蚊換咗杯咖啡來提神，畀錢後從店員手中接過收據，上面附有一張coupon，即時望一望有咩着數，原來係Daily Café半價優惠券，只要一星期內喺Daily Café買第二杯咖啡，就可以即時半價，抵呀，啱晒經常飲咖啡嘅黛安。

7-Eleven公關姐妹話，今個月29日係國際咖啡日，所以提前一星期做推廣。今日和下月29、30日，買任何咖啡都可以領取優惠券。近年7-Eleven咖啡好多人捧場，今次可望開拓更多客源。黛安剛用咗張優惠券歎Cappuccino，真係好好飲。