新歌MV親自執導 克勤唔畀太太出鏡

李克勤轉會新公司英皇後推出第一首新歌《一個都不能少》，本身想道出身邊曾幫助他的貴人，而新歌MV更邀得最優秀的演員演出，至於老婆盧淑儀，雖然在他心目中絕對優秀，但就不會出鏡了！

李克勤昨天接受商台訪問，為加盟英皇頭炮新歌《一個都不能少》宣傳。他說：「本來首歌叫《貴人》，但因為歌名重複咗，其實我諗過香港人呢刻最想『小』人哈哈！不過我想唱勵志歌嘅。」問到可曾想過透過歌曲講這30年對他不好的人？他笑言：「咁又冇，反而想感謝人，另外又將一首校長（譚詠麟）嘅歌其中四粒音放入新歌中，以表達心意。」

提到新歌MV，克勤透露今次親自執導，找來多位優秀的演員拍攝，當中有兩屆影后惠英紅和最佳男配角元華。拍攝前可有試戲？他說：「唔使啦，佢哋本身已經咁好戲！」

家人避病毒取消赴星

此外，克勤和容袓兒今個周末巡唱惠州站開鑼。他說：「之後去新加坡，原本趁兩個仔學校假期，一家人去當地玩，但因為寨卡病毒，為免玩得唔開心而取消。不過佢哋都會去其他地方，我唱完騷先會合家人。」

而巡迴演出預計去到明年四月，他苦笑謂為了多點時間與兩個仔相處，寧可唱完翌日一早返香港陪他們食午餐，享受家庭樂。

採訪：Pauline

攝影：Lego

編輯：林梓添

設計：梁政敏