新鴻基地產香港單車節將於周日（9月25日）舉行，來到最佳觀賞地點之一的尖沙咀東部，欣賞賽事之餘也不要錯過這區的美食。先在厚福街買小食，邊睇邊吃，或者賽前坐低試試柳州菜；比賽完結，更可在特色酒吧享受音樂與美食。
1. $28胡同真‧薯片（捌拾胡同風味烤串店）
「捌拾胡同」這個品牌建立了五年時間，早年在坑口開店，Mathew與相識20年的好友合作，後來大家各自在事業上有所發展，恰巧又遇上租約問題，因此便告一段落。直至兩個多月前，Mathew看準厚福街的小巷店舖，切合「胡同」的概念，獨自上路，捲土重來。
Mathew說：「當年我哋五個朋友，一直都話想做生意，之後一齊去北京旅行，大家鍾意呢種串燒食法，就產生咗做生意嘅念頭。最後我哋亦喺北京偷師，而我哋嘅店名『胡同』，就係想帶出北京嘅感覺。」
闊別兩年，再度回歸，Mathew感慨地說︰「依家間舖較細，好難同客人建立關係，佢哋買完嘢食就走，唔同舊店可以坐低開心交流。另外，今次開舖我有小小嘅願景，就係希望改變香港人嘅街頭飲食文化，將川式串燒帶畀大家。」
店內的串燒，味道當然了不起，近期更推出「胡同真‧薯片」，人手切薯仔片，再即叫即炸，確實是「新鮮滋味薯不簡單」。單車比賽舉行時，適合大家邊食邊觀賞比賽，同時滿足視覺與味覺的享受。
捌拾胡同風味烤串店
地址：尖沙咀厚福街9號B鋪
電話：3704 7107
營業時間：星期日至四，14:30-00:00；星期五、六及公眾假期前夕，14:30-01:00
2. $45柳州螺螄粉（柳園菜館）
如果一家大細嫌外賣麻煩，想坐下享受美食，不如試試柳州菜。柳州位於桂林附近，正宗柳州菜在港不常見，難得落腳金馬倫道，不妨先試，再往海傍觀賞單車賽。
「柳園菜館」開業兩個月，老闆娘Ceci兩年前與兩位拍檔，把臂同遊柳州。兩位拍檔同為柳州人，期間介紹Ceci吃當地的「螺螄粉」，以新鮮螺熬湯底，配當地米漿煮成的米粉，令她一試難忘。回港後，Ceci發現本地沒有這類菜式，便決定開店，與大家分享美食。
Ceci說：「開呢間舖真係好困難，搵一個識煮柳州菜嘅師傅更加難，特別係螺螄粉嘅湯底，手藝好複雜，每日返嚟處理湯底，已經一頭煙，洗螺、熬湯、睇火……真係好花心機，我哋試過請師傅返嚟，做咗一日就唔做。」
「柳州螺螄粉」製作繁複，必須維持柳州傳統「鹹、酸、辣」，難得是一碗只售數十元，卻包含了廚師的心機與手藝，美味程度超出你預期。
柳園菜館
地址：尖沙咀金馬倫道16號金馬大廈1樓全層
電話：2386 3886
營業時間：星期一至日，11:30-23:30
3. $125香辣莎樂美腸手拉薄餅（Fog Bar & Restaurant）
欣賞完比賽，不妨在海傍附近找間特色酒吧，Happy Hour一番。「Fog Bar & Restaurant」在尖東海傍落腳五年，由港人Silky與杜拜人Sohel合作開店。
Silky說︰「由於我哋間酒吧接近海傍，周不時都會好大霧，所以用咗呢種特質去命名。」至於Sohel，離開杜拜家鄉在港定居已逾20年，為甚麼他會愛上這個地方？Sohel說︰「我家族全球都有開食店，而我離開家鄉來到亞洲嘅原因，係鍾意飲酒。呢度嘅飲酒文化十分興旺，而且生意朋友們都很熱情，關係緊密。五年前，自己再在香港開酒吧，接觸來自五湖四海嘅人，覺得做生意和生活都十分方便，因此繼續喺呢度發展事業。」
Sohel貴為老闆，更是大廚，原來他在年輕時於意大利與法國留學，期間學得一手好廚藝。其中，集西方與中東文化大成，口感與香味帶出驚喜的「意大利香辣莎樂美腸手拉薄餅」，餅底由Sohel親自搓製，夠薄又脆口，薄餅更加入天然中東香料調味，味道香濃，但絕不口渴。
酒吧定期會有駐場歌手演奏Live music show。坐在戶外位置，在海風輕吹下，可感受微涼秋意。
Fog Bar & Restaurant
地址：尖沙咀麼地道67號半島中心地下G35號舖
電話：2153 3686
營業時間：星期日至四，11:00-1:00；星期五、六及公眾假期前夕，11:00-2:00
撰文：唐蔚霖
攝影：林良明
插畫：何樂、Human Ip
編輯：余運慶
設計：梁政敏