提名選香港美食 贏優先試食券2張

一想到蛋撻、港式奶茶等地道美食，唔少人都流晒口水！領展今年再度舉辦「為食本『領』香港特色美食選舉」，由市民及專業評審試食，以色、香、味作評分準則，投票選出8款香港地道美食類別的優勝商戶，以推廣本港特色美食，和鼓勵食店提升食物水平。

公關姊妹話，活動共分三階段進行，分別是公眾提名（即日起至10月2日）、公眾及專業評審團投票（10月13日至11月16日），以及於樂富廣場舉行為期兩天的美食巡禮（明年1月7至8日）。公眾提名期間，市民可到「為食本『領』香港特色美食選舉」網址提名心水食肆，真係人人可以參與，而納入競選的8款美食，包括燒味、雲吞、魚蛋燒賣、港式奶茶、豆腐花、西多士、出爐蛋撻、仲有牛腩。提名次數不限，如提名食店晉身最後3強，可獲「一天優先試食券」兩張，可於美食巡禮優先試食香港美食，名額共10名，仲唔快啲行動！