陳家樂勸張致恒戒女色

張致恒（Steven）被踢爆背女友莊端兒密會台灣女子，女友失望喊分手，Steven道歉但稱有病才會行差踏錯。英皇同事陳家樂勸好友戒女色一段時間，鍾欣潼（阿嬌）則劃清界綫表示與Steven不熟。

前晚奧海城舉行電影《大話西遊III》慈善首映，為仁美清叙籌款，阿嬌擔任活動大使，陳家樂、朱慧敏及黎燕珊等也有捧場。

陳家樂主演的《幸運是我》贏得口碑，他表示樂意請食飯慶功，希望票房再攀升。提到張致恒衰鹹濕，本身跟Steven相熟的他說：「Steven呢兩年做人處事都有進步，見佢今次喺鏡頭前回應有承擔，勇於認錯，希望大家畀多啲時間佢。」Steven自稱要睇醫生，家樂笑稱：「我覺得佢要搵多啲朋友傾偈，但今次搵錯女性朋友傾，相信佢真係要戒女色一段日子，專注一下事業先。」

阿嬌反問唔係分咗手？

此外，阿嬌客串《大話西遊III》扮演春十三娘，由於即晚要飛上海為演唱會綵排，故沒有入場睇戲。她又表示除了演唱會外，稍後會返內地拍電視劇，在橫店、新疆等地取景。對於Steven疑似「偷食」，阿嬌表示跟他不熟，反追問記者發生甚麼事，更稱：「乜佢哋唔係分咗手咩？」

撰文：Pauline

編輯：陳禮恒

設計：招潤洪