【聲明】港生活網站並無進行電話推廣活動

大包整多兩籠 麥兜出炒飯 奶黃包

發佈時間: 2016/09/20

「大包整多兩籠…」呢首歌大家都朗朗上口,近排相信唔少麥兜粉絲都睇咗套新戲,睇完戲之後食乜好?公關姐妹有好介紹,就係開業咗兩年的「尚點小籠包‧上海麵館」,仲話下個月佢會同麥兜及一眾春田花花親朋好友crossover,搞搞新意思。

今次呢個crossover,除咗有「麥兜奶黃包」,仲有「麥兜椰汁糕」等,點心造型鬼咁可愛,真係有啲唔捨得食!姐妹仲話,餐廳剛剛邁入兩周年,所以推出282蚊的二人套餐,5餸1甜品加豆漿2杯,當中有黛安最愛的雞絲粉皮𠻹啊!

仲有、仲有、仲有,因為很重要所以講3次。凡在10月3日至12月31日指定日期幫趁任何一款麥兜菜色或套餐,就可加10蚊或免費換購指定禮品,包括小籠包造型毛巾、麥太及麥兜杯緣子,歎茶時用賞心悅目。

撰文: 黛安 消息特靈八卦公關
欄名: 八卦名利場