深水埗明哥落區 夥馬會義工派飯

中秋佳節，大家都返屋企食飯團聚，但唔好忽略社會上有需要的人。馬會慈善及社區事務執行總監張亮，就聯同兩位地區慈善紅人：為基層提供免費補習服務的陳葒校長，以及「深水埗明哥」陳灼明，仲有成班馬會義工隊，齊齊落區應節送暖，喺深水埗通州街天橋底，為有需要長者送上熱騰騰飯盒及月餅。一班善長人翁出盡「洪荒之力」行善，即使颱風逼近，亦不改大家做善事的熱情。

除咗派飯盒，張亮仲誠邀兩位地區慈善家出席今個月22至23日舉行的馬會「慈善共創都市聚焦」國際慈善論壇，同1,000名與會者討論慈善在社會問題上扮演的角色。

足球名宿旺角獻技

另外，馬會今個星期五中秋翌日，會在旺角大球場上演「香港賽馬會社區盃」，請足球名宿、「冠軍騎師」莫雷拉及著名足球評述員黃興桂組隊，上演一場別開生面表演賽，相信一定好精采！