商場睇Pokémon大戰 買限定精品

《Pokémon Go》手機遊戲早前激發無數港人上街，大人細路都化身遊戲主角「小智」捉精靈。但同朋友齋捉邊夠刺激？一項官方認可的大型賽事，今個月18號同24號新地Mikiki商場同東港城舉行，今次唔係用手機捉，而係用任天堂遊戲機3DS比賽，到時全球排名Top 100的5位港產訓練員都會嚟比賽，高手雲集。

勝出者有機會代表香港出戰Pokémon世錦賽，與不同國家的訓練員一較長短。多個商場亦會展出珍藏漫畫、遊戲同毛公仔等，仲有免費3DS遊戲試玩𠻹！