花旗走入校園 教學生哥理財

小朋友理財點止一個豬仔錢罌咁簡單！花旗集團同保良局今年再度合作，在全港小學推出「Agent Penny與Will Power」活動，打造成「智財校園」，透過入學校舉辦「智財攤位遊戲」、提供理財教材同漫畫等，用輕鬆方式將正面理財觀念畀小學生。保良局署理主席陳細潔話，小學生已可掌握金錢概念，理財教育最啱由呢個年紀開始，而花旗企業傳訊及公共事務主管方煒希望活動有助營造輕鬆而濃厚嘅理財學習氣氛喎。