全球最具影響力女性 恒生一姐上榜

新一代的事業型女性，真係絕對不能睇小，身邊唔少姊妹都係家庭事業兩兼顧，叫人佩服！好似恒生一姐、恒生銀行副董事長兼行政總裁李慧敏（Rose），剛剛就獲《財富》雜誌選為全球50大最具影響力女性之一，亦是香港唯一一位女性上榜，排名第17，真係可喜可賀！

Rose作為香港銀行界的「女大班」，已經是第二次上榜，舊年佢都獲得該雜誌選為亞太區最具影響力女性，更打入十大，名列第8位。

數數手指，Rose已經在集團服務超過30個年頭，佢2012年接替梁高美懿，掌管這間市值逾2,700億元的本港第三大銀行。

阿Rose咁犀利，唔知佢老公袁天凡（電訊盈科前副主席）會點樣同佢慶祝呢？