出爐港姐被圍攻 麥明詩安撫馮盈盈

應屆港姐冠軍馮盈盈近日被揭曾在網上爆粗而被圍攻；她回應時直認「少不更事」，卻遭網民批評轉軚。上屆冠軍麥明詩昨日就為師妹解圍。

馮盈盈與麥明詩昨日出席六福珠寶領獎活動，麥明詩即場為馮盈盈加冕，又以過來人身份鼓勵對方：「我都曾遇上呢啲壓力，亦都崩潰過，呢個世界總有人討厭你，唔使為他人改變自己。」有沒有講過粗口？麥明詩笑說：「粗口我當然識，係廣東話文化，如果我話成世人冇講粗口你信唔信？中國文化博大精深，有啲話比粗口更難聽！」至於馮盈盈因支持佔領運動被批評，麥明詩說：「有政治立場唔應該成為攻擊對象，人大咗自然成熟，要有寬容氣度。」

感謝師姐支持

同場的馮盈盈感激師姐麥明詩力撑。「多謝佢支持，呢件事每個人立場唔同，我好感動！」提到她被網民批評「打倒昨日的我」，她說：「冇呢回事，從港姐訓練以來，令今日的我比昨日的我更加好。」

撰文：李潔盈

攝影：林良明

編輯：林梓添

設計：梁政敏