【聲明】港生活網站並無進行電話推廣活動

海洋公園出快證 省時排隊

發佈時間: 2016/12/15

每當壓力大,黛安就會約埋班姊妹去海洋公園玩吓過山車,尖叫完一輪當堂壓力bye bye!海洋公園最近推出「海洋快證」,啱晒一班唔想同人逼排隊、又愛刺激的姊妹啦。事關有咗呢個「海洋快證」,就可以喺指定的設施或機動遊戲享7次特快通行服務,包括各纜車站、各海洋列車站、海洋奇觀、南極奇觀、極地時速、動感快車、摩天巨輪、熱帶激流、瘋狂過山車、越礦飛車、尋鯊探秘、滑浪飛船、極速之旅。

假日去海洋公園玩機動遊戲,閒閒地都要等成粒鐘,難得今次出快證,姊妹們不妨玩盡海洋公園的聖誕特備活動!每張快證盛惠200元,唔計入場門票,大小同價,數量有限,售完即止,喺海洋公園網站或於公園指定地點,包括公園入口處票務部、及部分禮品店都可以買得到。

撰文: 黛安 消息特靈八卦公關
欄名: 八卦名利場