黛安
黛安

飲食業聯手創平台 食肆廉價買食材

發佈時間: 2016/12/16

飲食業聯手創平台 食肆廉價買食材

民以食為天,但食材、人工及租金連年飛升,令餐飲業經營困難。之前黛安聽小南國主席兼眾美聯創辦人王慧敏講,原來內地餐飲業都面對「四高一低」,即係人工、食材、租金同稅都高,唯獨利潤特別低,近10年盈利空間得番唔夠5%,真係生意難做。

好彩互聯網發達,兩年前成立專搞餐飲酒店嘅B2B採購平台「眾美聯商城」,同內地地方政府合作成立不同食材基地,嚟緊會在北海道成立海外據點,等業界可一站式買到優質食材。平台已有千間餐飲、酒店、採購商同供應商加入,唔止食材,連廚具都買到!成立第一年已有百億生意額,可見需求殷切。之前翠華主席李遠康、香港餐飲聯業協會會長黃家和等都去咗灣仔參加平台成立兩周年活動取經,探討點將餐飲業科技化𠻹。

撰文: 黛安 消息特靈八卦公關
欄名: 八卦名利場