暗藏猴面的南美蘭花

今日係聖誕同元旦夜假期後嘅Blue Monday（憂鬱星期一），心情特別難捱。但唔緊要，望下月曆，一個月後又放農曆新年假。事實上，黛安已開始收到商場嘅新年推廣電郵。

其中，將軍澳新都城中心預告，嚟緊會食住猴年個勢，舉辦全港首個「猴子蘭花展覽」。雖然每到新年，黛安屋企都會擺盤蘭花，但唔講都唔知道，原來部分蘭花居然暗藏馬騮圖案！旁邊呢張相，就係公關傳畀黛安嘅「伯爵猴臉蘭」，大家覺望唔望到上面有隻馬騮仔？

原來坊間嘅「猴面蘭花」，目前已發現超過120種，稍後展出嘅猴面蘭花都來自南美洲。據講聞落有橘香味，到時真係要去見識下。