競投置地小熊 為小朋友實現夢想

佳節過後，好多應節裝飾都會被棄置，送到堆填區。其實唔少裝飾都好新淨，只要稍作清潔就可留待下個聖誕繼續使用。因此當黛安見到置地廣場呢個項目，就覺得好值得支持。

商場最近舉行慈善拍賣，請市民競投一批曾經喺置地廣場聖誕裝置現身嘅小熊。項目唔單止環保，而且好有意義，因為商場會將市民嘅競投款項全數撥捐「願望成真基金」，幫助有需要兒童夢想成真。

如果你都想參與競投，可登入http://christmas.landmark.hk/tc/auction，星期三（6/1）晚11時59分截止。