【聲明】港生活網站並無進行電話推廣活動

着環保泳衣 游住水淨化海洋

發佈時間: 2016/01/04

邊個泳客唔想喺又靚又乾淨嘅海灘暢泳?有無諗過其實你都可以出一分力,喺游水嘅同時清潔海洋?

加州大學兩位工程學教授,早前以一種源自糖份嘅納米碳物質,生產出一款名為「Sponge(海綿)」嘅全新素材。呢種海綿上面有一個個細小嘅窿,具有排水功能之餘,仲可以吸收油性污染物(最多可吸收相當於自身重量25倍嘅污染物,視乎海綿密度而定)。

後來紐約一間建築設計公司Eray Carbajo諗到,用呢款物料製造泳衣。先以納米碳製成比堅尼泳衣墊,再將佢攝入一副以3D打印技機打印嘅軟身塑膠支架上。泳客着住佢落海,就可以一邊暢泳,一邊淨化海水。最環保嘅係,只要將比堅尼墊以1,000度高溫加熱,即可將污染物釋放,剩下嘅海綿仲可循環再造𠻹!

黛安唯一擔心,泳客着上吸收咗污染物嘅泳衣,會唔會皮膚敏感㗎?

撰文: 黛安 消息特靈八卦公關
欄名: 八卦名利場