【聲明】港生活網站並無進行電話推廣活動

喜見Torres跳舞天份 千嬅想囝囝拜師學舞

發佈時間: 2016/01/04
  • 1,000次
    分享

楊千嬅是不少Fans的偶像,曾獲得過無數掌聲,卻原來回到家中在囝囝Torres面前,就交換身份成為他的Fans,每次囝囝完成難度高的動作,千嬅立刻拼命拍手叫好,以示支持。

楊千嬅、歐陽妙芝及大仔方玉丞、胡諾言及女兒等,昨早出席添馬公園舉行的「童跑同樂馬拉松」活動,千嬅擔任活動大使,更冒雨頒獎予得獎者。她在台上表示,囝囝Torres平時室內活動時,她會陪着他,室外活動就由老公丁子高負責。

活動後千嬅受訪時表示:「上堂打波簡單嘅,我會送佢(囝囝)去,趁機了解個仔多啲。15年(去年)少咗了解囝囝,早排陪佢去體操堂,發現囝囝識打觔斗,媽咪梗係成個Fans咁拍晒手,令佢有自信;戶外活動如跑步、行山,留畀老竇(丁子高),佢man啲,我keep住Fans樣得喇。」

模仿老竇 識唱《寒冰掌》

千嬅又謂已發掘了囝囝的潛能,發覺他有跳舞天份,或考慮待他長大一點,就送去跟星級排舞師Sunny Wong學跳舞,訓練協調性。問囝囝可有跟住她的演唱會舞步跳?千嬅表示:「佢又冇模仿我,但有模仿老竇VRF,模仿力都好好,可能爸爸同仔關係唔同啲,始終想學佢,所以成日喺屋企播番以前啲嘢,《寒冰掌》佢都識唱,囝囝又鍾意BigBang,成日唱《Loser》。」

去年千嬅歌、影兩邊忙,問囝囝有否投訴?她說:「始終做明星同做媽咪身份有衝突,時間上需要平衡及協調。」

撰文:Pauline

編輯:黃寶恩

設計:鄧俊明