柏豪否認約滿離巢

周柏豪舉行新碟簽唱會，吸引近200名歌迷到場。柏豪表示之前忙於在內地、新加坡及澳洲等地工作，已很久沒有與香港歌迷作近距離接觸，形容與香港歌迷變了神交一樣。

柏豪表示今年計劃只推出一張廣東專輯，希望花更多時間在製作和宣傳方面，還會趁機還歌債。有指因華納削減唱片資源，他約滿後將不會續約，柏豪對傳聞予以否認，並說：「我哋仲傾緊下隻碟邊度影Cover。（幾時約滿？）有排，唔係報道所講嘅嘢。」之後續謂：「住得好，順風順水嘅就唔會想搬，搬屋好麻煩，依家好順利，同公司關係好好。（減產唔怕畀人誤會遭公司雪藏？）公司嘅雪櫃好細，放唔到我落去。」