方力申與鄧麗欣（Stephy）昨晨現身工展會，出席感謝狀頒授儀式。小方表示好耐未試過一早起身，就算跑馬拉松或百萬行都冇咁早。

Stephy前日患上腸胃炎，在屋企瞓足一日，她遺憾未能親身為電影《紀念日》謝票，小方坦言要頂晒她的工作。對於新戲票房已衝破1,000萬港元，小方好開心得到觀眾支持，問他會否考慮騷肌謝票？他笑言：「冇諗呀，我成日都po晒肌肉照，Stephy都笑我係露體狂，不如露兩點就交畀阿Bob（林盛斌）。」