麥記fb貼漫畫 宣傳日日開心優惠

「做乜你三個咁啱key，一齊食麥當勞？」返到公司發現好多人食麥記，無他，因為麥當勞噚日開始一連七日推優惠，噚日係10蚊兩個漢堡包，今日到麥樂雞（6件裝）買一送一。上去麥當勞facebook一睇，版主好有心思，貼出一張「12隻Nuggets去野餐」的漫畫做宣傳。

其實麥當勞「日日開心Keep Going」的優惠詳情，早幾日已透過社交網絡流出，事實上官方從來無向傳媒發布資訊，卻因網民瘋傳獲得免費宣傳，可見港人對着數信息幾敏感。

有同事睇完一周優惠圖表後講咗句：「睇嚟今個禮拜走唔甩，最少食一次麥記。」黛安深感認同。