吳若希不知道陳海琪是誰

吳若希（Jinny）、鄭俊弘、許廷鏗等昨日出席肥媽及陸浩明主持的無綫節目《暖DD‧食平D》慰勞宴。

有傳Jinny和吳業坤將參與無綫的真人騷節目，她表示未收到消息，但對真人騷有點抗拒，Jinny說：「因為我唔化粧個樣唔見得人，屋企太混亂，如果講日常生活仲OK。」談到DJ陳海琪暗寸坤哥未來可能一樣做番棋子，意謂大家不要太天真。Jinny聞言後反問：「邊個係陳海琪？」經助手提醒才傻氣地笑謂：「個人言論不代表本台立場。每個人都有獨特見解，我十分欣賞吳業坤，佢係易相處、勤力嘅歌手，作為好朋友，我無限量支持佢。」

肥媽三月紅館開騷

此外，肥媽透露今年三月將會在紅館舉行個唱，暫定三場，她表示開完這個騷後，算為一生畫上圓滿句號，又指之前的一場大病，令她更珍惜健康及與家人相處的時間，她說：「13個孫，剩番四個在香港，個個去晒外國讀大學，佢哋又想飲我煲嘅湯，不如我飛過去煲湯畀佢哋飲啦，仲開心！」不過她透露，稍後會再拍一輯《食平D》夏天篇。

採訪：Pauline

攝影：Lego