將DNA變成 獨一無二頸巾

女：「送畀你吖，頸巾係等於我，你要成日戴、成日掛住我呀。」

男：「你親手織㗎？好感動呀！」

女：「唔係呀，不過上面嘅圖案係我嘅DNA排序嚟㗎。」

想將自己的DNA排序圖案幻化成小禮物，並非不可能嘅任務。外國一間叫Dot One嘅設計公司，就有呢項服務。只要你提供DNA樣本，公司就會幫你送到化驗室，將你的DNA排列成獨一無二嘅圖案色譜，用以製成海報、頸巾等產品。

此外，你仲可以將家人或伴侶嘅DNA排序圖案合併起來，用你哋專屬嘅紋理印製產品，咁就可以你中有我，我中有你，幾Sweet呀！

不過訂製DNA頸巾唔算平，每條盛惠310鎊（約3,530港元）。由於聖誕太多人買，網站（www.dotone.io）下星期五（15/1）先會恢復預訂。