傳Mr.與環球不歡而散 阿倫澄清5子並不淒涼

樂隊Mr.與環球鬧不和，最終不歡而散。曾一手提攜Mr.的阿倫卻避談此事，但仍支持他們；而環球高層黃劍濤（Duncan）重申雙方因為談不攏合約條款，才決定好來好去「分手」。

譚詠麟（阿倫）前晚出席李幸倪（Gin Lee）加盟環球記者會，在台上阿倫的眼鏡突然出霧氣，被取笑抽吳業坤水。阿倫被問到李克勤疑因行李篋貼滿Barcode導致行李延誤，事後上載照片卻被網民圍插，更被封為「Barcode勤」，阿倫說相信克勤不會嬲，經一事、長一智，得悉他很快道歉，阿倫認為是好事。而昨日克勤出發到內地時，已經清理咗行李篋的Barcode了。

盡快還歌債

至於一手提攜的樂隊Mr.與環球鬧不快，阿倫避談謂：「今日唔好講呢啲嘢，任何嘢都會令藝人同公司受損，我有帶佢哋做嘢，唔係大家諗得咁淒涼。」香港環球唱片董事總經理黃劍濤（Duncan）對於環球與Mr.不快，Duncan重申是大家傾續約時，因條款問題各有己見，既然傾不到，不如盡快還完歌債就走，他強調雙方並沒有不愉快，大家好來好去。

那可有搵阿倫做中間人幫手？Duncan說：「有，校長好支持Mr.（有傳環球拒絕幫Mr.接工作？）絕對唔係，佢哋要搵食，佢哋有工作，我哋都有份抽佣，絕對冇咁嘅事。」此外，有傳吳雨霏不滿李幸倪加盟環球，Duncan再度否認：「絕對冇，佢仲話一間健康唱片公司應該有唔同類型歌手，我好公道咁分配資源，Kary三月都會出碟。」

撰文：Pauline

攝影：Lego

編輯：黃寶恩

設計：鄧俊明