各位Sanrio粉絲儲齊7-Eleven一套12款的顏色筆未？未就要加把勁啦！事關下星期三（13/1）開始，7-Eleven將推出全新一輪的Sanrio毛公仔。今次12位Sanrio主角會打扮成其他小動物亮相，例如Hello Kitty會化身金毛獅王、大口仔就會假扮成熊貓，非常趣緻。

星期三當日，7-Eleven仲會推出Hello Kitty熱氣球收納袋（換購價為188蚊，售完即止），方便大家攝晒啲公仔落去收藏。新年掛出嚟，仲有步步高升之意，幾好意頭呀。查詢可致電：2299 1110。