2014年，祖兒缺席《新城勁爆頒獎禮》，而新城高層朱明銳（銳哥）回應時卻在慶功宴豎起中指捽鼻而傳不和。昨午，英皇娛樂舉行祝捷會，祝賀旗下歌手容祖兒、張敬軒、泳兒等在2015年頒獎禮橫掃73個獎。席上，即將離職的銳哥與祖兒互相碰杯，寓意兩人正式破冰。
祖兒在訪問提起銳哥時讚自己好乖，有主動跟對方打招呼。軒仔抵死笑問：「你啲手指有冇郁下郁下？」祖兒笑謂：「大哥（吳雨）曾經想捽鼻，我都即刻制止，大家識咗咁多年，想了解佢係咪真係退休。」早前銳哥曾承認因豎中指闖禍，祖兒大方表示：「大家都係成年人，唔會計較呢啲小事，嗰刻少少情緒表達出嚟冇問題，佢大情大性。」軒仔也稱：「其實緊張個騷好正常，佢搞勁爆咁多年，有咁嘅陣容，佢居功至偉。」至於陳少寶突然被新城「叮走」，而陳少寶曾是軒仔老闆，亦一直視他為恩人，他就表示傳媒要結束節目或解僱主持人亦屢見不鮮。
軒仔食「13么」
另外，祖兒解釋在Twins演唱會的台上跪地high爆，是興奮而並非醉酒，她笑言：「我冇醉呀，我都冇講英文，又冇騎牛牛。（平時騎邊個？）費事講啦，當年騎嗰個都喺樂壇有頭有面，我醉醒咗都覺得好唔好意思，嗰晚係微醺。」
至於軒仔未能完成男歌手獎大滿貫，他表示沒有預過會「食糊」，今年計埋廣州的頒獎禮共奪得13個獎，算是食出「13么」，已相當不錯。軒仔又提到頒獎禮前因哮喘發作入院。他笑言：「因為天氣問題，有啲氣喘，依家攞了獎條氣順晒。」
採訪：Pauline
攝影：Lego
編輯：林梓添
設計：梁政敏