跟名廚去旅行，最開心當然係由早吃到晚，黛安收到老友分享，永安旅遊早前推出「Yan Can Cook•甄文達馬來西亞5天新春悠閒美食之旅」，年初二搵嚟國際電視名廚甄文達（Martin）隨團出發，一邊同團友享烹飪心得，一邊吃喝玩樂過猴年！

一早報咗名的老友話好開心，因為參加旅行團簡介會，率先見到Martin，個個變晒做小fans咁話。

聽講，Martin啱啱喺馬來西亞逗留超過兩個月，完成電視節目拍攝，佢特別提到，非常推崇馬六甲，話呢個地方建築好有特色，飲食文化仲集齊潮州、福建、印尼以至印度等地傳統。

「我們講吃喝玩樂，去旅遊首重吃喝，吃喝能夠讓大家直接認識一個地方的文化。這次有機會吃到最肥美的忘不了魚，我仲為大家搜羅至正宗道地的肉骨茶同『撈起』，希望能夠跟大家一起enjoy life！」招牌笑容加幽默惹笑風格，難怪大家都好期待跟住佢Martin走遍大街小巷。