黛安
黛安

麥當勞Monchhichi駕到 後日開運迎猴年!

發佈時間: 2016/01/12

麥當勞Monchhichi駕到 後日開運迎猴年!

農曆新年個個話要迎春接福,黛安年年都預早布置屋企,買個風車之餘,唔少得係屋企掛幾個開運裝飾。麥當勞一早諗好晒,星期四開始,Monchhichi會以招財貓造型現身,如意、幸運、金運、福氣同戀愛五款公仔,想揀邊樣?計黛安話,最好樣樣有齊,肯定行運行到腳趾尾呀!買任何食品加238蚊集齊全套「祝福」,限量版「Monchhichi限量開運小掛飾套裝」入面,有五隻小掛飾,仲有特別版「大吉」Monchhichi掛飾、特別版Monchhichi開運小手袋、五張新春系列麥當勞美食券、一套四款利市封同一張特別版為食卡。

推出精品之外,麥記仲有兩款新登場美食,後日起同大家見面嘅「黃金脆薯牛堡」同28號出場嘅「黃金脆薯雞堡」,外脆內軟嘅薯餅加蒜味黑胡椒醬牛肉或者板燒雞腿,套餐仲可以配扭扭薯條,諗起都想試!

聽講,推廣期間,買四款指定套餐,仲會隨餐獲贈一套四款Monchhichi利市封!

撰文: 黛安 消息特靈八卦公關
欄名: 八卦名利場