延續創意新生代 廣告人籲捐精

年輕人唔願入行導致行業式微，有咩方法解救？呢個正正係比利時廣告業面對嘅難題。一班業界行專為咗延續比利時嘅廣告人才，決定出一分力，獻出自己最寶貴嘅嘢———蘊含其創意DNA嘅精子，盼為廣告界開枝散葉。

比利時廣告人向來計仔多多，過去四年，一共喺國際知名嘅康城廣告節（Cannes Lions）橫掃78個大獎。可惜隨着有興趣入行嘅年輕人愈來愈少，為保住行業光環，當地廣告組織Creative Belgium展開名為「Ad Babies」嘅項目，鼓勵廣告人捐精捐卵，皆因佢哋相信創意基因某程度係源自遺存。

多位喺康城廣告節獲獎無數嘅行專更身先士卒捐精。未知其他同樣面對人才短缺嘅行業，有無興趣仿傚呢？