潮食芝士撻 恐脂肪爆錶

芝士撻是近期熱爆潮食，有營養師指，吃一件已相等兩碗飯的熱量，「食得多脂肪好易爆錶」，更提醒消費者，芝士撻是誘發心血管病、糖尿病等疾病的隱形殺手，建議每周最多只可吃一個。

英國註冊營養師張智良指，芝士撻的熱量較蛋撻、葡撻還要高，「芝士撻嘅成分一般都冇說明，所以好多人都唔知食咗乜落肚」。

可誘發心血管病

他說，芝士撻最少由數種芝士製成，包括含較高脂的乳清芝士、忌廉芝士，加上曲奇皮加入不少牛油、糖、牛奶、蛋黃，保守估計每個芝士撻最少有400卡路里，吃一個等於吃了兩碗飯的熱量。

根據食物安全中心指引，每100克食物若含超過20克總脂肪，該食物的總脂肪含量便屬於高。張智良表示，很難每吃一種食物都計算有多少克脂肪，「如果每星期都食，脂肪就一定超標。」

香港營養學會會長蕭沛霖則說：「所有好食嘅食物都一定多糖、好肥，間中一件半件都可以，成日食就唔健康。」他解釋，吃太多芝士撻可以誘發心血管疾病、糖尿病、高血脂、高血糖等健康問題，必須經常做運動。

狂做運動難抵銷

但張智良指，「好多人誤以為狂食完肥膩嘢，狂做運動就可以抵銷，其實大前提係要食健康食物。」

記者：李盛芝