許志安為健康產品拍廣告，今次拍檔是一隻導盲犬。本身亦是愛狗之人的安仔，一直視其愛犬Lucky如親人般看待，只要牠有少少不適，他會心痛又肉痛，最近Lucky上不到廁所，安仔緊張不已，即使花四千元讓牠去一次小便也沒辦法。

許志安昨日到清水灣拍攝廣告，廣告商特別安排他與導盲犬合作，安仔表示本身都有隻狼狗Lucky，由於牠已經十歲，加上不喜歡出鏡，所以就同導盲犬合作拍廣告。

安仔表示，Lucky從小養到大，早已視牠如家中成員般看待，近日Lucky有少許不舒服，已令安仔既心痛又肉痛，他說：「佢之前去唔到廁所，帶佢睇醫生，好彩冇大病，工人仲同我講Lucky去一去小便要四千幾蚊，真係好貴，我惟有努力啲做嘢，賺錢畀佢小便。」問到平日他還是鄭秀文（Sammi）陪Lucky散步？安仔說自己都盡量抽時間陪Lucky，他笑言狗狗相當醒目，鼻子靈敏經常認到氣味，總之他和Sammi哪個有零食給牠就跟對方。

盡力殺入準決賽

今次廣告是在一間屋內拍攝，問安仔平日做煮家男還是暖男？他反問兩者有何分別，更笑謂：「好驚暖男，好似有啲怪喎，兩個都唔想，乜都唔要。（定係想做小鮮肉？）哇！唔要呀，大佬，仲驚！」

此外，談到安仔有份參加的《中國之星》還有最後兩集，倘若成功過關就可以殺入準決賽，他很感激林憶蓮，更稱對方一直以來給他不少動力，又為他構思主題及揀歌，安仔還說若入到準決賽，一定會唱廣東歌。

撰文：Pauline

攝影：林良明

編輯：黃寶恩

設計：梁政敏