去麥記掃Monchhichi精品

噚日一早收到姊妹message：「4點排隊都買唔到Monchhichi呀，嗚嗚~」，大家都話馬騮仔咁可愛，梗係受歡迎，但估唔到都係唔夠快！轉過頭黛安又收到好消息，麥當勞係分店開Pop-up Store（期間限定店），等大家有機會掃貨，將Monchhichi帶返屋企！

今日開始，一連三個禮拜，逢星期五至日，旺角西洋菜街、尖沙咀星光行同怡和街三間麥記，都會同時有「Pop-up」，時間朝十晚十，有20幾款Monchhichi精品任你揀，文具到餐具，室內到屋外都有，粉絲可以盡情開心shopping。

黛安率先八卦咗有咩精品，有遮風擋雨擋太陽的三摺遮、有埋餐具嘅靚靚Lunch box等等，又要高呼一下「好可愛呀」！聽講每個星期仲有新品登場，都係「期間限定」㗎，粉絲點可以錯過呢？