智能小背心 助你記低運動量

坊間有不少智能手帶或手錶，戴住做運動可記錄運動及健康狀況。其實有無諗過，呢類飾物都太過累贅，點解唔乾脆研發一件智能運動衫？呢條蹺最近喺國際電子消費展（CES）誕生。

科技公司Hexoskin研發出一款智能小背心（其實仲有長袖版），入面裝設一個迷你感應器，可幫你記低運動期間的心跳、呼吸及步行數據等，返到屋企連接藍芽智能裝置進行詳盡分析，就可了解健康狀況。

同一般運動衫一樣，件衫透氣又防水。一條衫連智能裝置盛惠399美金（約3,112港元），大家有無興買來試？詳情可瀏覽http://www.hexoskin.com。