黃翠如早前與男友蕭正楠（Edwin）及其家人同遊日本大阪，全程對蕭家上下照顧周到，更獲未來奶奶力讚。報道更指她融入蕭家之餘，在旅行期間既要安排行程，又做隨團攝影師，被點到完全唔敢say no，不過，她就話暫時未有結婚打算。
黃翠如昨日現身銅鑼灣出席活動，與一班穿上校服的女生玩遊戲時，相當投入。早前剛與Edwin及其家人同遊日本的翠如，享受完假期回港後精神奕奕。近日除了獲Edwin公開力讚夠細心外，有報道指翠如能夠融入蕭家中，與蕭家上下關係良好，入門之日似乎不遠矣。翠如笑謂：「今次個行程係佢（Edwin）妹妹安排嘅，我只係團友，大家互相照顧。（伯母對你好滿意。）其實平時我同佢屋企人都好似朋友咁相處，大家互相照顧，有時同佢屋企人都會一齊食飯。」
期望自由自在假期
翠如坦言自從公開戀情後，經常被跟踪偷拍，令她感到頓失安全感，為此期待有私人空間，亦希望傳媒影到他們身邊朋友或家人的時候，能夠打格仔，以免影響人家，經過今次日本之旅依然被狗仔隊追訪，她只盼未來日子可以自由自在享受假期。
另外，有報道稱Edwin家人「點」翠如做打雜，翠如登時否認：「冇，主要係佢細妹做嘢，佢負責搵地方，所以會攰啲，返嚟都要慰勞佢，睇完報道覺得唔好意思，其實所有功勞應該歸功佢妹妹。」問到2017年會否計劃結婚？翠如表示暫時未有計劃，她和Edwin拍拖已一年多，稍後會合作拍劇，笑言屆時會趁機互相討論一下，倘若有好消息一定通知大家。
採訪：Pauline
攝影：林良明
編輯：林梓添
設計：nc