開騷念羅文陳百強 豹哥淚灑舞台

李思捷、單立文（豹哥）及Palwerful Band的一連兩場《今晚豹制李》演唱會前晚開鑼，單立文和李思捷齊齊扮嘢，以一身閃爆造型出場。豹哥甫開騷已揚言全晚無底綫，可以玩得好盡，但當輪到向已故歌手致敬環節時，他說到聲淚俱下，感動全場。

單立文在台上講到80年代樂壇對他很重要，不捨有很多歌手已離開，包括黃家駒、陳百強（Danny）、梅艷芳及羅文等，豹哥與樂隊一齊唱歌悼念他們。提到當年Beyond的家駒在日本遇上意外身亡，豹哥一度眼泛淚光，當講到陳百強時，更忍不住爆喊表示：「Danny仔咁早走做咩先，你最趕時間，畀多少少時間你哋都好吖，香港樂壇冇咗你，呢塊拼圖永遠懸空！」最後提到羅文，他的情緒又再一次激動起來。

胡定欣同男友jam歌

完騷後，兩人於後台接受訪問，他們透露由於有太多構思，故即晚開會，看看是否需要在第二場改rundown。問豹哥在台上提到羅文時十分激動，他直言：「真係嬲，佢為香港樂壇努力，你哋班懶音王就批評人，唔好對老人家咁苛刻，佢最尾嗰幾年都動搖咗，好彩最後佢都釋懷。」

在旁的思捷聞言表示，見到豹哥在台上講到喊，自己亦有眼濕濕，更大爆對方兩次綵排時都有喊。當晚入座率大約只有七成，他們直言沒所謂，即使一個觀眾都照做。

此外，擔任嘉賓的胡定欣當晚獻唱《愛很簡單》，問她是否趁機向音樂人男友陳明道傳情？定欣笑言：「係傳畀大家，冇指定畀邊個。」她坦言今次擔任嘉賓有壓力，首次跟男友同台演出，她大讚男友好幫手，更給予不少意見。

撰文：Pauline

編輯：陳禮恒

設計：梁政敏